درجات الألوان في فيلم أبيض واسود وفيلم تاني ملون

Want create site? Find Free WordPress Themes and plugins.

عامية .. هايدي أحمد Heidi Ahmad

زي ما قلت في المقدمة اللي فاتت

أهم من الأدوات إنك تبقى عارف هاتعمل إيه بالأدوات

عشان كده هانتكلم في مفاهيم بتخدم التصميم.

المصمم اللي لسه بادئ فى المجال أو اللي ماعندوش معلومات نظري كفاية ساعات بيلاقي صعوبة فى تنسيق الألوان مرة الألوان تطلع كويسة ومرة لأ وبيبقى مش عارف ليه.

يعني إيه درجة اللون؟

في مفهوم في التصميم اسمه “tone” ده عبارة عن درجة اللون على تدريج لوني من الأبيض للاسود. يعني ببساطة أي فيلم أبيض واسود انت بتتفرج عليه  بتبقى عارف إن الناس لون بشرتهم مش رمادي ولا لابسين هدوم درجات رمادي والعفش مش رمادي. لما نشيل قيمة “اللون” خالص ونسيب قيمة “درجة اللون” ده بيساعدنا أكتر إننا نركز في التباين بين الألوان اللي هوه الـ contrast. لإننا غالبا عايزين عناصر التصميم تبقى واضحة مش داخلة في بعضها إلا في حالات نادرة.


قارن بين درجات الألوان في فيلم أبيض واسود وفيلم تاني ملون بس قديم شوية وحولته أبيض واسود

طب لو خدنا لقطة من الفيلم الألوان وزودنا الكونتراست في الفوتوشوب…

صورة رقم 4


ملاحظ الفرق؟

طب شوف فيلم زي الجزيرة مثلا…

5

لو عملناها أبيض واسود

صورة رقم 6

أحيانا بيبقى المخرج هوه اللي عايز كده وأحيانا لأ.

إزاي أخلي التصميم فيه تباين بين الألوان؟
ما تلخبطش نفسك وابدأ تصميمك بلونين بس: أبيض واسود. شيل مفهوم اللون خالص من دماغك عشان تركز في مفوم الـ tone. وبعد ما تخلص التصميم خالص اختار لون من الاتنين دول وبدله بلون تاني.

لو اخترت تغير الاسود اختار بداله لون غامق. ولو اخترت تبدل الأبيض بدله بلون فاتح.
وبعد كده هاتقدر تغير اللونين بلونين غيرهم أو بمجموعة ألوان بس ابدأ بلونين بس.

لو أنا عملت التصميم خلاص؟

لو انت عندك تصميم ألوان حوله لدرجات الرمادي ع الفوتوشوب عشان تشوف اختيارك للألوان- من غير ما تاخد بالك من التونات- كان ناجح ولا محتاج إعادة نظر. لو مافيش تباين/كونتراست بين الألوان هايبقى التصميم مش مريح للعين أو هايبقى باهت. أعلى كونتراست بيبقى بين اللونين الأبيض والإسود.

المرة الجاية هاشرح طريقة بسيطة نقدر بيها نختار الألوان ونخليها منوعة ونتأكد بيها إن في تباين مناسب بين الألوان.

Did you find apk for android? You can find new Free Android Games and apps.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *