كيفية الحصول على مهنة (مصمم جرافيك) وأثباتها فى بطاقة الرقم القومى

Want create site? Find Free WordPress Themes and plugins.

فى هذه التدوينة سوف نتعرف  مع بعض عن كيفية تغير  المهنة فى بطاقة الرقم القومى
اولأ :- لكى تقوم بتلك الخطوات لاتمام عملية  اثبات المهنة يجب عليك اتباع
الخطوات التى سوف اذكرها لك
ولكن دعنى ارد على سؤال يطرحه البعض دائماً فى بعض المجموعات والمواقع
التى تهتم بالمصمم
السؤال :-
لماذا يجب عليا ان اغير مهنتى واثبتها  فى بطاقة الرقم  القومى
وهل فى ذالك إفادة حقيقة  فيما بعد ؟ ام  ماذ
الجواب :
لكل  منا مهنة  هو يتقنها  وكل واحد فى العالم له مهنة  مستقبلية  فى حياته
يوفر منها الربح والفائدة للمجتمع الذى يعيش فيه
وعشان كدا لازم تثبت مهنتك  الحقيقة  فى البطاقة
اما الإفادة التى تسأل  عنها مقابل تغير  مهنتك  هيا إفادة  من كل  النواحى
اولها  يمكنك السفر للخارج  والعمل فى احدى الوكالات الاعلانية الكبرى او القنوات الفضائية
ثانياً لتغيير مهنتك يجب عليك اولاً  الالتحاق بأمتحان  من وزارة القوى العاملة
بأنك  جدير بالمهنة التى طلبت اثباتها  كما  انك  ستأخذ شهادة معتمده  مختومه  بختم وزارة القوى العاملة تثبت انك ماهر فى مهنة مصمم جرافيك وهذا  هيا  افادة حقيقية  بالنسبه لك  سوف تضمها مع  شهادات الخبره  وغيرها  من الشهادات التى حصلت عليها  ان وجد
ثالثاُ  الافادة الجماعية  او التى اسميها  انا شخصيا الافاده الكلية التى يمكن  من  ورائها فيما بعد عمل  نقابة  للمصممين  تهتم بحقوقهم  وابداعاتهم وكل ما يمكن ان يكون فعلة  ناحية النقابة للمصمم  وهذه الافادة يمكن ان  تتم  حقيقاً بعد ان يتقدم الكثير من المصممين فى طلب الحصول  على اثبات وظيفة مصمم جرافيك
فى الحقيقة سوف تتعرف  اكثر على الافاده التى ممكن ان  تأتيك  من خلال الحصول على وظيفتك  وأثباتها مع  مرور  الوقت .
دعونى  اشرح لكم  ما تم فعلة  معى شخصياً
عشان اقدر  اغير مهنتى  الحقيقة  وهى (مصمم جرافيك ) وأثباتها فى بطاقتى الرقم القومى

فى البداية
أنا ذهبت إلى مكتب العمل التابع لمنطقة قنا / مركز نجع حمادى وهى المنطقة التى اسكن بها و قلتلهم عايز شهاده مزاولة مهنة
قالى الموظف لمهنة ايه ؟
قلت (مصمم جرافيك )
قالي طيب روح عالبوسته هات حوالة باسم مديرية القوى العاملة بقنا واحدة بــ 44 ج وواحدة بـــ 33 جنيه
رحت ورجعت قالى هات كمان صورة المؤهل وصورة البطاقه الشخصيه كانوا موجدين معايا
قالي دلوقت هانروح على الراجل اللى هايختبرك ويدينا ورقه تثبت انك مصمم
بعتونى لمطبعه مشهوره عندنا وصاحبها يعرفنى وعملنا شغل كتير مع بعض رحتله ومضالى على الورقه ورحت بيها هناك قالى تعاله بكره خد الشهاده
رحت تانى يوم بالفعل خدت الشهاده
شهاده مزاوله مهنه من وزارة القو ى العامله والهجره
بان المذكور كزا كزا ماهر فى مهنة مصمم جرافيك
بس خدتها وطلعت على المركز وجبت استماره ب 15 جنيه لانى مكنتش مستعجل ليها وحطيت فيها صوره الشهاده دى وصوره البطاقه الحاليه
وبس قدمتها فى الشباك وخدت الوصل ورحت بعد شهر لانى كنت مسافر والحمد لله خدتها الموضوع ساهل جداً
ملحوظه
لما رحت مكتب العمل اللى فى المركز بتاعى
لاقيت المهن دى اخر حاجه فى الكشف اه والله الموظف قلى حظك المهنه
دى لسه نازله السنه دى مكنتش موجوده لانها ملهاش نقابه لسه
وان شاء الله لما كل المصممين تحاول تغير المهنه دى هيكون لينا نقابه خاصه بينا عشان كدا اتمنى من كل المصممين يحاولو يثبتو دا عشان هيفيدهم كتير سوا كان موجود فى البلد او هيسافر بره
ملحوظة  :-
انا اللى خلانى انى اكتب التدوينة دى
هى  كتر الاسئلة عن الموضع دا من المصممين وللاسف مش بيلاقو غير القليل اللى بيرد عليهم
ومن خلا  تجربتى شخصياً اردت ان اقدم لكم جميع الخطوات السابقة
للحصول على مهنة (مصمم جرافيك ) فى بطاقة الرقم القومى
التدوينة خاصة بالمصممين المصريين ولا أعلم اى شىء عن  باقى الدول للامانة
لو فى أى استفسار
يمكنك  اضافة تعليق أسف الموضوع  هنا بالموقع لكى يمكننى الرد عليها فوراً
بالتوفيق للجميع
المصمم/ابراهيم عبدالراضى

.. منقول من الأخ إبراهيم عبد الراضي
http://goo.gl/vMZyuU

Did you find apk for android? You can find new Free Android Games and apps.

التعليقات

  1. هو لازم يبقى عندك خبرة او اشتغلت قبل كدة عشان يمتحنوك و يتاخد الشهادة ؟ يعنى لو عديت الاختبار ونجحت فيه اخد الشهادة حتى لو مشتغلتش قبل كدة؟
    محتاجة اعرف عشان انا من نجع حمادى بردو

اترك رداً على Eq إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *