صمم تبقي مصمم – سراج باسل

#صمم_تبقي_مصمم يدونها سراج باسل
هنتكلم النهارده مغالطات منطقيه انا بعتبرها من الحاجات المهمه اللى لاوم نبداء بيها علشان نغير ونكسر معتقدات السلبيه

مغالطات منطقيه

1-ده بقاله فتره في المجال اذا هو حوت

الحقيقه مش شرط خالص انه بقاله فتره يبقى شاطر وان كان ممكن يكون عنده خبره اكتر منك بحكم الوقت ولكن شطارة التصميم حاجه تانيه ياما شوفنا واحد لسه بدا مبارح وتصميمه احسن من اللى بقاله 10 سنين اهتموا بمهارتكم وملكوش دعوه بالوقت احنا مش محاسبين ولا مهندسين عدد السنين مش بيفرق معانا انما المهاره اللى بتفرق( العمر بباركته وليس بطول السنين)

2- انا جبت احدث جهاز فى السوق اذا تصميمى هتبقى عالميه

الحقيقه ان ادواتك ومهاراتك هى اللى بتخرج تصميم عالميه ومش الاجهزه اسالوا اى الناس الشاطره اللى فى المجال ممكن تستغربوا ازى بيطلع التصميم ديه من الجهاز ده ومش معنى كده ان احنا بنقلل من قيمه امكانيات الجهاز لكن يبقى الاهم ادوات وامكانيات ومهارات اللى قاعد عى الجهاز (الشاطرة تغزل برجل حمار)

3-انا عملت 50 تصميم الشهر ده اذا انا انتاجيتى عاليه

الحقيقه ان لانتاجيه العاليه بتتحسب بجوده العمل ومش بكميه العمل فمتفرحش بكتر التصميم وتهمل جوده التصميم (ضربه بالمرزبه ولا عشره بالشاكوش)

4-انا عارف البرنامج 100% لذا انا استاذ

الحقيقه لا مفيش حاجه اسمها 100% مش معنى انك عرفت استخدام كل الادوات اذا انت عرفت كل حاجه الشطاره فى اسلوبك وامكانياتك فى استخدام الادوات وطالما بتشوف حاجه معموله بنفس البرنامج وتنبهر بيها يبق لسه بدرى على 100% ديه وخليك دايما محافظ على عقليه المبتداء عنده نهم للعلم والمعرفه وبيتقبل النقد والنصيحه ( كلما ازدت علما ازدت علما بجهلى )

5-انا بشتغل اى حاجه بتجيب فلوس اذا انا محترف

الحقيقه برده لاالمحترف الحقيقى هو اللى متخصص فى جزئيه معينه متمكن فيها وميمنعش انه يبقى عنده معلومات فى الباقى لكن له مجال تخصص متميز فيه احنا زى الدكترهكل واحد متخصص فى مجال ومش ممارس عام ( تخصصوا تتميزوا )

6- الشاطر اللى يركز على نقاط ضعفه

الحقيقه برده لا ..لانك لو ركزت على نقاط ضعفك اقصى شئ هتوصله هتبقى عادى او متوسط اما لو ركزت على نقاط قوتك ونمتها واهتمت بيها محدش هيعرف يقف قصادك ( نقاط القوه هى من تصنع القوه )

7- انا احسن واحد فى كل المصممين للى فى الشغل اذا انا شاطر واقوى واحد

الحقيقه لا لازم الواحد يوسع رويته للعالم اللى بيبص عليه واتعلم حاجه مهمه جداااااااااااااا ( انك لو سمكه صغيره فى محيط احسن بكتيرررررررر من انك تكون اكبر سمكه فى حوض السمك )

8-ده اصغر منى اذا معندهوش معلومه مفيده

الصراحه مش بالعمر خااااالص سواء كان كبير او صغير الموضوع بيعتمد على الاجتهاد والعلم والاراده والاحتكاك (قد تجد فى النهر ما لم تجده فى البحر )

9-انا مفيش حد ساعدنى اذا محدش صاحب فضل عليا

الحقيقه كل واحد اتفرجت على شغله كل صوره نزلتها كل فيديو اتفرجت عليه كل كورس ذزكرته كل تعليق ايجابى كل شخص تابعته من بعيد لبعيد كل دول اصحاب فضل عليك وفى الاول والاخر ربنا لان فى ناس عمت اللى انت عملته وما وصلوش اللى انت وصلتله ويمكن افضل واحسن منك بس توفيق ربنا ومحدش فينا يقول انا عملت نفسى انت مخترعتش العجله انت كملت على خبرات اللى قبلك

10- كل ما انزل تصميم الاقى حد بينقدنى اذا هو غيران منى

الصراحه لا مش شرط النقد عموما انا بعتبره نوعين نوع مفيد وبناء ونوع نقد من اجل النقد ده ولا ااكنك شوفته تجاهله و مضيعش وقت فى تفاهات الاول النقد المفيد ده احرص عليه لاننا بنستفاد من النقد اكتر ما بنستفاد من المدح وكمان لان اصحابك واللى بيحبوك مش بيشوفى فيك حاجه وحشه اما الاعداء بيبصوا على عيوبك

 


[su_tooltip position=”north” rounded=”yes” size=”3″ content=”#صمم_تبقى_مصمم فكره فى دماغي من فتره بعيده هتبقي عباره عن مجموعة مقالات هتنزل كل اسبوع هدفها تطوير و تشجيع المصممين خصوصا اللى فى بدايتهم او اللى نفسهم يطوروا من نفسهم وهتبقى عباره عن افكار عاوز اوصلها او ملخص كتب قراتها او مواقف وتجارب مريت بيها وفى الغالب هتبقى حاجات وافكار شخصيه جربتها ونفعت معايا يعنى مش دراسه او علم اكاديمى او كده هى جزء من حلمي اانى اساعد المصممين خاصه المبتدائين على انهم يعرفوا الخطوات اللى محتاجنها علشان يوصلوا لمستوى عالى انا عندى رويه لنفسى انى ابقى من اقوى مصممين الجرافيك فى العالم وحلمى بيتغير من فتره للتانيه حلمى الاول انى اسيب مجال البيع والنساجون اللى اشتغلت فيها لمده 4 سنوات كانوا من اسواء فترات حياتى وانى اكتشف شغفى واللى ربنا خلقنى علشانه والحمد لله اتحقق وبعد كده اتكون حلمى التانى انى اشتغل فى شركه جرافيك واشتغل فى مجالى واطور من نفسي والحمد لله اتحقق وفى سنه 2017 نزل اصدر ادوبى الجديد ونزل الفوتوشوب وانكسر حاجز واعتقاد داخلى ليه لا بعد ما شوفه الشاشه الافتتاحيه للفوتوشوب اده ده واحد مصرى اللى مصممه هو ينفع وطلع ينفع وساعتها قررت هو ليه لا انت كمان ممكن تعمله وتحط بصمتك وده بقى حلمى الجديد اللى هسعى علشان احققه بس هيكون ان شاء الله الاستراتور. اما رسالتى هى انى احاول اساعد الاشخاص اللى نفسهم يوصلوا لشغفهم سواء كانوا مصممين او غيره واحاول اقصر عليهم المشوار والوقت والمجهود وانى احاول مبخلش لا بمعلومه ولا بعلم ممكن تساعد حد تخليه يبقى انسان افضل سواء لنفسه او لغيره وانى اساعد على قد ما اقدر ان شاء الله حتى بكلمه تشجيع او اهتمام او بمعلومه ممكن تفرق فى حياه واحد اخترت جمله صمم تبقى مصمم علشان عاوز ااكد على على ان الموضوع فى المقام الاول بيعتمد على الاراده والالتزام مش بيعتمد على الموهبه والشطار بس نفس فكره السلحفه والارنب صحيح لو واحد موهوب ومجتهد وملتزم يسبق اللى مجتهد وملتزم بس لكن واحد عنده شغف احسن من 100 عندهم مجرد اهتمام خلى الموضوع عندك حياه او موت وان صورتك عن نفسك وكلامك الداخلى دايما ايجابى واتكلم عن حلمك كتيررررررررر وخلى ليك حلم واضح علشان تعرف تحققه وارفع ايدك لله وادعى واعرف انك بتدعى الكريم وثق ان ربنا عمره ما يخيب رجاءك . واخترت اسلوجن للسلسه (كن انت المشروع) وده هيكون له مقاله مستقله هوضح فيها السبب واللى عنده اى مواضيع حبب انى اتكلم فيها فياريت”]#صمم_تبقى_مصمم [/su_tooltip]

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *